ایران نے چوتھا اسرائیلی لڑاکا طیارہ ایف-35 مار گرایا + کارٹون

بین الاقوامی اہل بیت(ع) نیوز ایجنسی ـ ابنا |

ڈان نیوز کی رپورٹ:

کے مطابق، ایرانی فوج نے تبریز میں چوتھا اسرائیلی لڑاکا طیارہ ایف-35 طیارہ مار گرایا، یہ طیارہ ایران کے دیسی ساختہ ایئر ڈیفنس سسٹم نے گرایا گیا ہے۔

ایران نے پیر کے روز دعویٰ کیا کہ اس کے فضائی دفاعی نظام نے تبریز میں ایک اور اسرائیلی ایف-35 اسٹیلتھ لڑاکا طیارہ کامیابی سے مار گرایا اور یہ حالیہ تنازع میں چوتھا اسرائیلی طیارہ ہے جو گرایا گیا۔

ایرانی سرکاری میڈیا نے اس تازہ کامیابی کی تصدیق کی ہے، ایرانی حکام کا کہنا تھا کہ تہران کا فضائی دفاعی نظام مکمل طور پر فعال اور مزید اسرائیلی جارحیت کو روکنے کے لیے تیار ہے۔

رپورٹ کے مطابق یہ طیارہ ایرانی فوجی تنصیبات پر حملے کی کوشش کے دوران نشانہ بنایا گیا۔

ٹائمز آف اسرائیل نے ضمنی طور پر تصدیق کرتے ہوئے کہا ہے کہ "ایران کے سرکاری میڈیا نور نیوز نے دعویٰ کیا ہے کہ تبریز کے قریب ایران نے ایک اسرائیلی F-35 اسٹیلتھ لڑاکا طیارہ مار گرایا ہے"۔

رپورٹ میں کہا گیا کہ اسرائیلی ڈیفنس فورس (آئی ڈی ایف) نے اسرائیلی F-35 گرنے کی تصدیق نہیں کی۔ بیان میں کہا کہ اس قسم کے کسی واقعے کا علم نہیں ہے۔

یاد رہے کہ ایران نے اس سے قبل بھی 3 ایف-35 مار گرانے اور پائلٹ کو گرفتار کرنے کا دعویٰ کیا تھا۔

۔۔۔۔۔۔۔۔۔۔

ابنا کی رپورٹ:

چوتھے ایف-35 کے ایران کے ہاتھوں مار گرائے جانے کے بارے میں ایرانی ذرائع کی پیش کردہ رپورٹ

اسرائیلی ایف-35 کا حیرت انگیز انہدام

ایرانی ذرائع ابلاغ کے مطابق، ایران کی مسلح افواج نے ایک اسرائیلی پائلٹ کو گرفتار کر لیا ہے جس کا ایف-35 لڑاکا طیارہ ملک کے مغربی علاقے میں گرایا گیا۔ ایرانی فوج نے تصدیق کی ہے کہ انہوں نے اسرائیلی طیارے کو نشانہ بنایا، جس کے بعد پائلٹ نے پیراشوٹ کے ذریعے چھلانگ لگائی۔ یہ چوتھا ایف-35 طیارہ تھا جو ایرانی ساختہ دفاعی نظام نے مار گرایا ہے۔

واقعے کی تفصیل:

اسرائیلی پائلٹ نے مغربی ایران کے فضائی حدود میں انتہائی بلندی پر پرواز کی۔

ایف-35، جو امریکی اسٹیلتھ ٹیکنالوجی کا شاہکار سمجھا جاتا ہے، کو ایرانی میزائل نے نشانہ بنایا۔

طیارے کے پر میں لگنے والے میزائل نے اسے غیر متوازن کر دیا، جس کے بعد پائلٹ کو مجبوراً چھلانگ لگانا پڑی۔

پائلٹ کو ایرانی فوجی دستوں نے گرفتار کر لیا

واضح رہے کہ یہ چوتھا ایف-35 طیارہ تھا جو ایرانی ساختہ دفاعی نظام نے مار گرایا ہے، اس دفاعی نظام نے ایک ایف-16 طیارہ بھی مار گرایا ہے۔

دفاعی نظام کی کارکردگی:

ایران نے اپنے جدید "باور-373" ڈیفنس سسٹم اور روسی ساختہ ایس-300 کو یکجا کر کے اسرائیلی طیارے کا سراغ لگایا۔ یہ نظام دراصل اسٹیلتھ ٹیکنالوجی کو بے اثر کرنے کے لیے ڈیزائن کیا گیا ہے۔

بین الاقوامی ردعمل:

اسرائیلی حکام نے ایرانی دعووں کو "جھوٹ" قرار دیا ہے، جس سے اس کے گرفتار پائلٹ کا انجام غیر یقینی ہو چکا ہے اور اگر کسی وقت صہیونی ریاست اپنا پائلٹ مانگے تو ایران کہہ سکتا ہے کہ تمہارے ریکارڈ کے مطابق تمہارا کوئی جہاز گرا ہی نہیں ہے!

امریکہ اور اسرائیل ایف-35 کی ناقابل تسخیر حیثیت پر زور دیتے رہے ہیں

ماہرین کا کہنا ہے کہ یہ واقعہ امریکی فوجی برتری کے لئے ایک بڑا دھچکا ہے۔

نتیجہ: یہ واقعہ نہ صرف ایران کے دفاعی نظام کی صلاحیتوں کو اجاگر کرتا ہے بلکہ خطے میں طاقت کے توازن کو بھی تبدیل کر سکتا ہے۔

۔۔۔۔۔۔۔۔۔۔۔۔۔۔۔۔

110